Khorlim News: वादळी वाऱ्यामुळे झाड पडून दोन महिला जखमी

पणजी: राज्यात पावसासह सोसाट्याचा वाराही वाहात असल्याने घरे, रस्त्यांवर झाडे पडणे, वीज खांब कोसळणे असे प्रकार सुरूच आहेत.

खोर्ली-म्हापसा येथे घरावर झाड पडल्याने प्रभावती साळगावकर (वय ७२ वर्षे) या गंभीर, तर रेषा साळगावकर या किरकोळ जखमी झाल्या. या दोघींना म्हापसा जिल्हा इस्पितळात दाखल केले आहे.

रस्त्यावर मोठ्या प्रमाणात झाडे पडत असल्याने अनेक ठिकाणी वाहतूक कोंडीच्या घटना घडत आहेत. गेल्या २४ तासांत एकूण ६८.२ मिमी म्हणजेच २.६८ इंच पावसाची नोंद झाली.