वाळपई: सत्तरी तालुक्यातील खडकी येथे श्रीराम मंदिराजवळ अनिल नाईक यांच्या घराला अचानक आग लागून मोठे नुकसान झाले. ही घटना बुधवारी रात्री सुमारे ८ वाजण्याच्या सुमारास घडली.
आगीची माहिती मिळताच वाळपई अग्निशमन दलाने तातडीने घटनास्थळी धाव घेत मदतकार्य सुरू केले. अग्निशमन दलाच्या प्रयत्नांमुळे आग आटोक्यात आणण्यात यश आले. आगीत घरातील साहित्य तसेच घराच्या काही भागाचे मोठे नुकसान झाल्याची प्राथमिक माहिती मिळाली आहे.
मात्र, एकूण किती आर्थिक नुकसान झाले याची नेमकी माहिती अद्याप मिळू शकलेली नाही. आगीचे कारणही अद्याप समजू शकलेले नाही. या मदतकार्यात अग्निशमन दलाचे ज्ञानेश्वर गावस यांच्या मार्गदर्शनाखाली आदम खान, सत्यवान गावस, रूपेश सालेलकर, साईनाथ सावंत, दत्ताराम देसाई, महादेव गावडे, उमेश गावकर आणि संदीप गावकर यांनी सहभाग घेतला.
मडगाव पोलिसांनी अनोळखी परप्रांतीय कामगारांवर कारवाई सुरू केली असून, वीसजणांना ताब्यात घेतले आहे. प्रत्येक आठवड्याला ही मोहीम सुरू राहणार आहे. मूळ मालकांनी या कामगारांचे फॉर्म भरावेत, असे आवाहन मडगाव पोलिस ठाण्याचे पोलिस निरीक्षक अरुण गावस देसाई यांनी केले आहे. आज कारवाई केलेले कामगार हे रोकडा कामगार आहेत. मडगाव पालिका उद्यान, खारेबांद व रावणफोंड येथे ते उभे असतात. त्यांच्याकडे कुठलीही ओळखपत्रे नाहीत. जे या लोकांना भाड्याने ठेवतात त्यांनी भाडेकरू अर्ज भरण्याची गरज आहे. अर्ज न भरल्यास कायद्याने सहा महिने कैद व दहा हजार रुपयांचा दंड आहे, असेही गावस यांनी सांगितले.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.