Goa News : जायंट ग्रुप ऑफ थिवीच्या अध्यक्षपदी केशव रायकर; अधिकारग्रहण थाटात

Goa News : थिवी, जायंट ग्रुप ऑफ थिवीच्या २४व्या अधिकार ग्रहण सोहळ्यात डॉ. नूतन बिचोलकर यांनी केशव रायकर यांना अध्यक्षपदाची शपथ दिली.

त्याच बरोबर नूतन संचालक मंडळाचे सदस्य म्हणून प्रशांत परब उपाध्यक्ष गिरीष पोटे, किशोर सावळ, सुजित शिरोडकर, अशोक कामतार, सिमरन शिरोडकर, करुणा सावळ, विजयालक्ष्मी होनवाड व महंतेश हुडेडगड्डी (सर्व संचालक) यानीही आपल्या पदाची शपथ घेतली.

या वेळी व्यासपिठावर प्रमुख पाहुणे म्हणून गोविंद पर्वतकर, दीपक डिसौजा, वर्षा नाईक, नाझारेथ फेडरेशन १० चे अध्यक्ष सुदन नाईक गांवकर, मावळते अध्यक्ष सुधीर रिवणकर व लता पुजारी उपस्थित होते.

गोविंद पर्वतकर यांनी मावळते अध्यक्ष तसेच सर्व संचालकांचे उत्कृष्ट कामगिरीबद्दल अभिनंदन केले, जायंट ग्रुप ही एक सामाजिक संस्था असून, समाजासाठी प्रत्येकाने काहीतरी देण्याचा प्रयत्न केला पाहिजे, यासाठी हे व्यासपीठ आहे.

या वेळी दीपक डिसौजा, सुदन नाईक तसेच वर्षा नाईक यांची भाषणे झाली. गणपत रायकर यांनी पाहुण्यांची ओळख करुन दिली, सुधीर रिवणकर यांनी स्वागत केले. केशव देशपांडे यांनी वार्षिक अहवाल सादर केला. किशोर सावळ यांनी आभार मानले. स्नेहा किलीपुट्टी व केशव देशपांडे यांनी सूत्रसंचालन केले.