Goa News: केरी-फोंडा येथील महिला गूढरित्‍या बेपत्ता

Goa News: आर्ल, केरी-फोंडा येथील एक उच्चशिक्षित महिला काल मंगळवार दि. 10 जानेवारी सकाळी 10 वाजल्‍यापासून बेपत्ता आहे. देऊळमळ-साकोर्डा येथे कार (जीए 05 डी 1679) रस्त्याच्या बाजूला उभी करुन ती तेथून बेपत्ता झाली असून शोध घेण्यासाठी काल दिवसर मोहीम राबविण्‍यात आली, पण तिचा थांगपत्ता लागला नाही.

काल दुपारी शाळा सुटल्यावर मुलाला आणायला शाळेत गेली नसल्याने शिक्षकांनी मोबाईलवरुन संपर्क साधल्यावर कुटुंबीय सतर्क झाले व तिचा शोध घेऊ लागले.

ती महिला अध्यात्मिक विचारसरणीची आहे. देवावर तिची अढळ श्रद्धा आहे. तिला वेळ मिळेल तेव्हा ती मंदिरात जात होती.

काही महिन्यांपूर्वी ती तांबडीसुर्ल येथील शिव मंदिराला भेट देऊन आली होती, अशी माहिती तीच्या कुटुंबीयांनी दिली. त्यामुळे तिचा शोध घेण्यासाठी घरची काही मंडळी तांबडीसुर्लकडे येत असताना रस्त्याच्या बाजूला कार उभी करुन ठेवलेली दृष्टीस पडली.

तेथून ती बेपत्ता झाल्याची घरच्याना खात्री पटली. हाकेच्या अंतरावर जंगलात तिचा मोबाईल, कारची चावी व कानातील रिंग सापडले आहेत. अधिक तपास सुरू आहे.