Goa : आग्वादपासून काही अंतरावर अरबी समुद्रात पर्यटकांना समुद्रसफर घडविणाऱ्या बोटीला रविवारी सायंकाळी जलसमाधी मिळाल्याची घटना घडली आहे. सध्या बोट बुडाल्याचा व्हिडिओ समाजमाध्यमांत व्हायरल झाला आहे. या बोटीवरील कर्मचाऱ्यांची सुटका करण्यात आली आहे.
आग्वादपासून काही अंतरावर अरबी समुद्रात पर्यटकांना समुद्रसफर घडविणाऱ्या खासगी बोटीला रविवारी सायंकाळी अपघात झाला. या अपघातात बोटीला जलसमाधी मिळाली. या बोटीवरील कर्मचाऱ्यांनी किनाऱ्यावरील इतर खासगी बोट बोलावून बोटीवरील कर्मचाऱ्यांची सुटका केली आहे.
मिळालेल्या माहितीनुसार बुडालेली बोट केरळमध्ये नोंदीत असल्याने बेकायदेशीरपणे ही बोट चालवित असल्याचे समोर आले आहे. संबंधित बोट मालकाचे सरकारात वरपर्यंत लागेबांधे असल्याने हा प्रकार दाबण्याचा प्रयत्न सुरू झाला आहे अशा चर्चा रंगू लागल्या आहेत.
बोटीची क्षमता 30 प्रवाशांची आहे. बोट पाण्यात गेली आणि बुडाली तेव्हा त्यात फक्त 6 क्रू सदस्य होते. याबाबत अधिकाऱ्यांनी दिलेल्या माहितीनुसार, ही बोट एक महिन्यापूर्वी गोव्यात आली होती आणि त्या बोटीची चाचणी सुरू होती.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.