Illegal Fishing Trawlers: कर्नाटकच्या ट्राॅलर्सची गोव्याच्या हद्दीत घुसखोरी, 2 वर्षांत 10 गुन्हे; 14.80 लाखांचा दंड वसूल
Illegal Fishing Dainik Gomantak

Illegal Fishing Trawlers: कर्नाटकच्या ट्राॅलर्सची गोव्याच्या हद्दीत घुसखोरी, 2 वर्षांत 10 गुन्हे; 14.80 लाखांचा दंड वसूल

Illegal Fishing Activities in Goa by Karnataka Trawlers: कर्नाटकातले ट्रॉलर्स गोव्याच्या सागरी हद्दीत प्रवेश करून बेकायदा मासेमारी करीत असल्याचे प्रकार हल्‍ली वाढले आहेत.
Published on

मडगाव: कर्नाटकातले ट्रॉलर्स गोव्याच्या सागरी हद्दीत प्रवेश करून बेकायदा मासेमारी करीत असल्याचे प्रकार हल्‍ली वाढले आहेत. मागच्‍या दोन वर्षांत अशी बेकायदेेशीर मासेमारी करणाऱ्या दहा ट्रॉलर्सवर गुन्हे दाखल करण्यात आले असून त्‍यांच्‍याकडून १४.८० लाख रुपये दंड वसूल केला.

लोकसभेत खासदार विरियातो फर्नांडिस यांच्या प्रश्नावर लेखी उत्तरात ही माहिती देण्यात आली. सरकारने कर्नाटकातील १० ट्रॉलर्सवर गुन्हे दाखल केले आहेत आणि २०२२ ते २०२४ या कालावधीत १४ लाख ८० हजार रुपये रुपयांचा दंड ठोठावला, असे केंद्रीय मासेमारी आणि पशुसंवर्धन मंत्री राजीव रंजन सिंग यांनी आपल्‍या उत्तरात म्‍हटले आहे.

Illegal Fishing Trawlers: कर्नाटकच्या ट्राॅलर्सची गोव्याच्या हद्दीत घुसखोरी, 2 वर्षांत 10 गुन्हे; 14.80 लाखांचा दंड वसूल
Illegal Fishing: 'ही' घुसखोरी नाही तर नियमांतील तफावत! कर्नाटकच्या मच्छिमारांनी मंत्री हळर्णकरांसमोर मांडली बाजू

बुल ट्रॉलिंग, एलईडी मासेमारी तसेच परप्रांतीय ट्रॉलर्सची घुसखोरी याबद्दल विरियातो यांनी प्रश्न उपस्थित केला होता. सागरी राज्ये, केंद्रशासित प्रदेशांना संबंधित आदेशांचे उल्लंघन करणाऱ्या मासेमारी ट्रॉलर्सची नोंदणी किंवा परवाना तात्पुरते निलंबित करण्याचे, वारंवार उल्लंघन करणाऱ्या अशा मासेमारी बोटींवर कडक कारवाईच्या सूचना देण्यात आल्या, असे लेखी उत्तरात म्हटले आहे. चीनचे मासेमारी करणारे ट्रॉलर भारतीय जलक्षेत्रात मासेमारी करत असल्याचा कोणताही अहवाल नाही, असे या उत्तरात स्‍पष्‍ट केले आहे.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Goa News on Dainik Gomantak
dainikgomantak.esakal.com