Mangaluru-Madgaon Vande Bharat Express: गोव्यासाठी आणखी एका सेमी-हाय-स्पीड वंदे भारत एक्स्प्रेसची घोषणा केंद्राने केलीय. कर्नाटकातील मंगळुरू ते दक्षिण गोव्यातील मडगाव रेल्वे स्थानकापर्यंत ही रेल्वे धावणार आहे.
वंदे भारतची चाचणी देखील मंगळवारी मंगळुरू मध्य रेल्वे स्थानकावरून सुरू झाल्याचे रेल्वेद्वारे सांगण्यात आले आहे.
असे असेल वेळापत्रक
नवीन मंगळुरु-मडगाव वंदे भारत एक्सप्रेस मंगळुरु सेंट्रल येथून सकाळी 8.30 वाजता सुटेल आणि दुपारी 1.15 वाजता मडगावला पोहोचेल.
परतीच्या प्रवासात ते मडगाव येथून दुपारी 1:45 वाजता सुटेल आणि मंगळुरूला संध्याकाळी 6:30 वाजता पोहोचेल. ही गाडी उडुपी आणि कारवार स्थानकावर थांबेल.
30 डिसेंबरपासून या वंदे भारत एक्सप्रेसचे नियमित संचालन सुरू होणार आहे.
पंतप्रधान नरेंद्र मोदी 30 डिसेंबर रोजी इतर राज्यांमध्ये सहा वंदे भारत ट्रेनसह या नवीन ट्रेनचे उद्घाटन करू शकतात, अशी माहिती रेल्वेच्या सूत्रांनी दिली आहे. दरम्यान याबाबत अद्याप अधिकृत घोषणा झालेली नाही.
मंगळुरु-मडगाव सेमी-हाय-स्पीड वंदे भारत एक्स्प्रेसच्या ट्रायल रनला मंगळुरू सेंट्रल रेल्वे स्टेशनवर हिरवा झेंडा दाखवण्यात आला तेव्हा दक्षिण कन्नडचे खासदार नलिन कुमार कटील, स्थानिक महापौर आणि रेल्वे अधिकारी उपस्थित होते.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.