Kadamba EV Strike: पगारवाढीसाठी कदंब इलेक्ट्रिक बसचालकांचा संप; 51 बसेस बंद

Kadamba EV Bus Driver Strike: मडगाववासियांना सध्या मोठ्या अडचणीला सामोरे जावे लागत आहे. मडगाव बस स्थानकातील इलेक्ट्रिक बसचालकांनी बंड पुकारले आहे.

पगार वाढ व्हावी यासाठी चालकांनी बस बंद केल्याची माहिती समोर आली आहे.

कदंबचे हे जवळपास 140 कंत्राटी चालक असून बसचालकांच्या मते त्यांच्या पगारात वाढ व्हावी अशी मागणी त्यांनी केली आहे. दरमहा 25 हजार मानधन हातात मिळाले पाहिजे असे त्यांचे म्हणणे आहे. या आंदोलनात एकूण 51 बसेस बंद केल्या आहेत.

यामुळे प्रवाशांना मात्र नाहक त्रास सहन करावा लागत आहे. कारण कदंब बसने प्रवास करणारा खूप मोठा प्रवासीवर्ग राज्यभरात आहे. एकाएकी 51 बसेस बंद करण्यात आल्याने वाहतुकीवर याचा मोठा फटका बसण्याची शक्यता आहे.