पणजी: कदंब परिवहन महामंडळाची एक इलेक्ट्रिक बस सोमवारी (दि.८) दुपारी पणजी बसस्थानकातून बाहेर निघत असतानाच अनियंत्रित होऊन पार्क केलेल्या अनेक वाहनांना धडकली. या घटनेमुळे काही काळ गोंधळाचे वातावरण निर्माण झाले होते, मात्र सुदैवाने या घटनेत कोणतीही जीवितहानी झालेली नाही.
चालकांकडून मिळालेल्या माहितीनुसार, कदंबची इलेक्ट्रिक सिटी बस बसस्थानकामधून प्रवाशांना घेऊन जात असताना अचानक चालकाला वाहनावरील ब्रेकचा वापर करता येईनासा झाला, त्याचा ताबा सुटला आणि बस अनियंत्रित होऊन थेट रांगेत उभ्या असलेल्या अनेक वाहनांवर आदळली. या अपघातात अनेक वाहनांचे मोठे नुकसान झाले आहे, मात्र सुदैवाने कोणतीही मोठी जीवितहानी झाल्याचे वृत्त नाही.
बसचालकाने दिलेल्या माहितीनुसार, ही बस पणजी बस स्थानकावरून शहरात जात असतानाच काही सेकंदात ही घटना घडली. बसचे ब्रेक अचानक निकामी झाले, ज्यामुळे हा अपघात घडला.
या घटनेची माहिती मिळताच पोलीस आणि कदंब महामंडळाचे अधिकारी तातडीने घटनास्थळी दाखल झाले. त्यांनी परिस्थितीचा आढावा घेतला असून, चालकाच्या दाव्याची सत्यता पडताळणी करत आहेत. बसच्या ब्रेक निकामी होण्याचे नेमके कारण अद्याप समोर आलेले नाही.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.