पणजी: स्मार्ट सिटीअंतर्गत पणजी शहरात चालविल्या जाणाऱ्या बसगाड्या आता लवकरच कॅशलेस सेवा पुरविणार असल्याची माहिती कदंब महामंडळातर्फे देण्यात आली. त्यासाठी नियमित प्रवाशांना लवकरच ''आरएफआयडी'' स्मार्ट कार्ड देण्यात येणार असून एकाच वेळी याचे पैसे भरावे लागणार असल्याचेही अधिकाऱ्यांनी स्पष्ट केले.
पणजी शहरात वाहतुकीसाठी स्मार्ट सिटीअंतर्गत विजेवरील बसगाड्या कदंब महामंडळाला देण्यात आल्या आहेत. कदंब महामंडळ बसगाड्या चालवीत आहे व या बसगाड्यांचे व्यवस्थापन इमॅजिन पणजी स्मार्ट सिटी लिमिटेड करत आहे. स्मार्ट सिटीतर्फे एकूण ४८ बसगाड्या देण्यात आल्या असून त्यातील केवळ ४० बसगाड्या मार्गावर चालू आहेत. ८ बसगाड्या आपत्कालीन वेळी वापरण्यासाठी ठेवण्यात आल्या आहेत.
अधिकाऱ्यांनी दिलेल्या माहितीनुसार स्मार्ट सिटीतर्फे देण्यात आलेल्या बसगाड्यांमध्‍ये महिन्यानंतर कंडक्टर आपली सेवा देणार नाही. कार्डचा वापर करून नियमित प्रवाशांना प्रवास करता येणार आहे. कार्ड तयार करण्यासाठी पणजी बस स्थानक येथे एक विशेष काउंटर सुरू करण्यात आले आहे. १५० रुपयांमध्ये हे कार्ड करता येणार आहे. कधीतरी प्रवास करणाऱ्या प्रवाशांसाठी ड्रायव्हर तिकीट देण्यासाठी एक फील्ड वर्कर बसमध्ये ठेवण्यात येईल. रोज प्रवास करणाऱ्यांसाठी या कार्डचा फायदा होणार आहे.
स्मार्ट सिटीतर्फे सुरू करण्यात आलेल्या बसगाड्या एकूण ४० मार्गांवर धावत आहेत. पणजी बसस्थानक, फेरी, कला अकादमी, मिरामार, दोनापावला, ताळगाव, गोवा वैद्यकीय महाविद्यालय या महत्त्वाच्या मार्गावर देखील स्मार्ट सिटीच्या बसगाड्या सेवा देतात.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.