Jit Arolkar : मांद्रे मतदारसंघातील पाण्याची समस्या टप्प्याटप्प्याने सोडवली जाईल. त्यासाठी अगोदर तुये येथील 30 एमएलडी पाणी प्रकल्पाला चालना दिली जाईल, अशी ग्वाही मांद्रेचे आमदार जीत आरोलकर यांनी दिली आहे. हरमल येथील पाण्याच्या नवीन टाकीच्या बांधकाम शुभारंभ आज जीत आरोलकर यांच्याहस्ते करण्यात आले.
हरमल पंचायत क्षेत्रातील पाण्याची समस्या सोडवण्यासाठी हरमल पठारावर ज्या ठिकाणी पूर्वीची जुनी पाण्याची टाकी होती. त्या बाजूला आणखी अतिरिक्त दीड लाख लिटर क्षमतेची पाण्याची टाकीच्या बांधकामाचा शुभारंभ आमदार जीत आरोलकर यांच्या हस्ते आज करण्यात आला. यावेळी पेडणे सार्वजनिक बांधकाम पाणीपुरवठा विभागाचे अधिकारी, माजी पंच, पंचसदस्य तसेच मगोचे गट अध्यक्ष प्रवीण वायंगणकर उपस्थित होते.
यावेळी नागरिकांनी पाण्याची समस्या कशा प्रकारची सतावत असते याविषयी आमदार जीत आरोलकर यांच्याकडे कैफियत मांडली. आमदार जीत आरोलकर यांनी उपस्थित अधिकाऱ्यांना पाणी सुरळीत करण्याविषयी महत्त्वाच्या सूचना केल्या.
आमदार जीत आरोलकर यांनी पुढे बोलताना सांगितले, मांद्रे मतदार संघातील पाण्याची समस्या आपण आमदारकीच्या काळात सोडवणार आहे. त्यासाठी नवीन पाणी प्रकल्प तुये येथे उभारण्याची प्राथमिक प्रक्रिया सुरू झाली असून लवकरच या कामाचाही शुभारंभ केला जाईल. 30 एमएलडी पाणी प्रकल्प उभारल्यानंतर मांद्रे मतदारसंघात कायमची पाण्याची समस्या सुटणार असा त्यांनी विश्वास व्यक्त केला. या प्रकल्पासाठी एकूण 24 लाख रुपये खर्च अपेक्षित आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
