वास्को: वास्को येथील एफ. एल गोम्स मार्गावरील रस्ता दुभाजकातील वीज खांबावर लावण्यात आलेल्या जाहीरात फलकांच्या लोखंडी चौकड्यांमुळे (फ्रेम) दुचाकी वाहनचालकांना अपघाताला सामोरे जाण्याची शक्यता आहे. त्यामुळे सदर चौकड्या तेथून हलविण्याची मागणी सामाजिक कार्यकर्ते शंकर पोळजी यांनी केली आहे.
(iron frame of billboards on electricity pole in road divider dangerous)
एफ. एल. गोम्स मार्गावरील तात्पुरते मासळी मार्केट ते वास्को पोलिस स्थानक दरम्यानच्या रस्ता दुभाजकातील वीज खांबावर जाहीरात फलक लावण्यात आले होते. आता त्या जागी फक्त जाहीरात फलाकांच्या लोखंडी चौकट्या नजरसे पडत आहे.
सदर चौकड्या खांबावर अतिशयखाली बांधण्यात आल्या आहेत. त्यामुळे या मार्गावरून जाणाऱ्या दुचाकीवाहन या चौकड्यांना आपटून अपघाताला सामोरे जाण्याची भीती पोळजी यांनी व्यक्त केली आहे. सदर चौकड्या तेथून हलविण्यासाठी संबधितांनी त्वरित पाऊले उचलण्याची गरज त्यांनी व्यक्त केली आहे. वीज खांबांवर अतिशय खाली या चौकट्या बांधण्यात आल्याबद्दल पोळजी यांनी आश्चर्य व्यक्त केले. वीज खात्याने जाहीरात फलकांसाठी परवानगी देताना तेथे नियमाचे पालन होते की नाही यासंबंधी दक्षता घेण्याची गरज आहे. मुरगाव पालिकेनेही याकडे लक्ष देण्याची गरज त्यांनी व्यक्त केली आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
