IPL 2024: आयपीएल 2024 (IPL 2024) च्या 37 व्या सामन्यात गुजरात टायटन्सने पंजाब किंग्जचा तीन गडी राखून पराभव केला. पंजाब किंग्जने पहिल्यांदा फलंदाजी करताना 20 षटकांत सर्व गडी गमावून 142 धावा केल्या होत्या. प्रत्युत्तरात गुजरात टायटन्स संघाने 19.1 षटकांत सात गडी गमावून 146 धावा करुन सामना जिंकला.
दरम्यान, या सामन्यावर ऑनलाइन सट्टा घेणाऱ्या टोळीचा गोवा पोलिसांनी पर्दाफाश केला आहे. पोलिसांनी या टोळीला कांदोळीमधून ताब्यात घेतले. याप्रकरणी अहमदाबाद, गुजरातमधील 9 जणांकडून पोलिसांनी 4 लाखांचा मुद्देमालही जप्त केला. याप्रकरणी कळंगुट पोलिस ठाण्यात गुन्हा नोंदवण्यात आला आहे.
मिळालेल्या माहितीनुसार, ही कारवाई गोवा पोलिसांच्या उत्तर गोवा जिल्हा इंटेलिजन्स पथकाने कांदोळीमधील क्रेसेंट व्हिलावर छापा टाकला. यावेळी संशयित टोळी ही आयपीएलच्या पंजाब इलेव्हन्स आणि गुजरात टायटन्समधील सामन्यावर ऑनलाइन सट्टा घेत असल्याची खात्रीलायक माहिती पोलिसांना मिळाली होती.
त्या व्हिलावर छापा टाकत संशयितांना पोलिसांनी रंगेहाथ पकडले. यात तिलोककुमार चेथानी, रॉकी तलेजा, पवनकुमार मगलानी, किशन लवाणी, गोपलानी भारत, दिनेश भाटीया, नरेश गेलवानी, चौथानी रिंकूकुमार व रामचंदानी मनीष या नऊ जणांना अटक करण्यात आली आहे. हे सर्व संशयित अहमदाबाद-गुजरातमधील आहेत. संशयितांकडून पोलिसांनी 1 लॅपटॉप आणि 17 मोबाईलसह 4 लाखांचा मुद्देमाल जप्त केला आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.