Suleman Khan Case: सुलेमानच्या पोलिस कोठडीसाठी SIT ची कोर्टात धाव; 31 जानेवारीला होणार अर्जावर सुनावणी

Suleman Khan Police Custody: संशयित सिद्दीकी ऊर्फ सुलेमान खान याच्या पोलिस कोठडीसाठी विशेष तपास पथकाने (एसआयटी) म्हापसा न्यायालयात अर्ज केला आहे.
Suleman Khan Case: सुलेमानच्या पोलिस कोठडीसाठी SIT ची कोर्टात धाव; 31 जानेवारीला होणार अर्जावर सुनावणी
Court Dainik Gomantak
Published on
Updated on

पणजी: जमीन हडपप्रकरणीचा तपास सुरू असताना पोलिस कोठडीतून पलायन केलेल्या संशयित सिद्दीकी ऊर्फ सुलेमान खान याच्या पोलिस कोठडीसाठी विशेष तपास पथकाने (एसआयटी) म्हापसा न्यायालयात अर्ज केला आहे. त्या अर्जावरील सुनावणी येत्या ३१ जानेवारीला न्यायालयाने ठेवली आहे. संशयित सुलेमान खान सध्या न्यायालयीन कोठडीत आहे. त्याच्याविरुद्ध अनेक जमीन हडप प्रकरणीचे गुन्हे एसआयटीकडे नोंद आहेत.

म्हापशातील जमीन हडपप्रकरणी संशयित सिद्दीकी ऊर्फ सुलेमान खान याला अटक करून चौकशी सुरू असताना सुरक्षा पोलिस कॉन्स्टेबलला आमिष दाखवून कोठडीतून पलायन केले होते. याप्रकरणी जुने गोवे पोलिस स्थानकात गुन्हा दाखल झाला होता. सुलेमानला केरळमधून अटक करून गोव्यात (Goa) आणल्यावर जुने गोवे पोलिसांनी अटक केली होती. त्याची चौकशी पूर्ण झाल्यावर सात दिवसांच्या पोलिस कोठडीनंतर न्यायालयीन कोठडीत रवानगी केली होती.

Suleman Khan Case: सुलेमानच्या पोलिस कोठडीसाठी SIT ची कोर्टात धाव; 31 जानेवारीला होणार अर्जावर सुनावणी
Suleman Khan Case: 'तेच ते प्रश्‍न, तिच ती उत्तरं; सरकार की पोलिस माझ्या प्रेमात पडलंय कळत नाही' - पालेकर

चौकशीसाठी हवा सुलेमानचा ताबा

संशयित सुलेमान खान याची न्यायालयीन कोठडीत रवानगी झाल्यानंतर एसआयटीने त्याच्या पोलिस कोठडीसाठी अर्ज केला आहे. जमीन हडप प्रकरणाची चौकशी सुरू असताना संशयित सुलेमान पळाला होता. त्यामुळे ही चौकशी अर्धवट राहिली आहे. त्याला पुन्हा अटक झाल्यानंतर त्याला जुने गोवे पोलिसांनी चौकशीसाठी ताब्यात घेतले होते.

Suleman Khan Case: सुलेमानच्या पोलिस कोठडीसाठी SIT ची कोर्टात धाव; 31 जानेवारीला होणार अर्जावर सुनावणी
Suleman Khan Case: केरळमध्येही 'सुलेमान'चा प्रताप! पोलिसांना लाच देण्याचा प्रयत्न; Viral Video बाबत चौकशी सुरु

आता तो न्यायालयीन कोठडीत असल्याने त्याची जमीन हडप प्रकरणाची पुढे चौकशी करायची आहे. त्याच्या इतर साथीदारांच्या जबान्या नोंदवून त्याची गुन्ह्यामधील भूमिका याचा शोध घ्यायचा आहे. त्यामुळे चौकशीसाठी पोलिस कोठडी देण्याची विनंती न्यायालयाकडे (Court) केली आहे. याप्रकरणातील त्याची पत्नी संशयित अफसाना ऊर्फ सारिका सुलेमान खान ही जामिनावर आहे.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News on Dainik Gomantak
dainikgomantak.esakal.com