Invest Goa Scam: 'इन्व्हेस्ट गोवा' कार्यक्रमात मोठा घोटाळा? 45 लाखांचे नुकसान; CAG अहवालाने GIDCला घेरले

Invest Goa scam CAG report : गोवा औद्योगिक विकास महामंडळ आयोजित 'इन्व्हेस्ट गोवा २०२४' या कार्यक्रमाच्या खर्चात मोठा घोळ झाल्याचे समोर आले आहे
GIDC audit report
GIDC audit reportDainik Gomantak
Published on
Updated on

पणजी: गोवा औद्योगिक विकास महामंडळ (GIDC) आयोजित 'इन्व्हेस्ट गोवा २०२४' या कार्यक्रमाच्या खर्चात मोठा घोळ झाल्याचे समोर आले आहे. भारताच्या नियंत्रक व महालेखापरीक्षकांनी दिलेल्या अहवालानुसार, या ३ कोटींच्या कार्यक्रमात अनेक अनियमितता आढळून आल्या आहेत. विशेष म्हणजे, GIDC ने हा कार्यक्रम एका अपात्र कंपनीला दिल्याने सरकारचे ४५ लाखांचे GST इनपुट क्रेडिटचे नुकसान झाले आहे.

घाईघाईत निर्णय, अपात्र कंपनीला काम

CAG ने सांगितले की, GIDC ने १४ जानेवारी २०२४ रोजी 'इन्व्हेस्ट गोवा २०२४' हा कार्यक्रम ३ कोटी खर्च करून आयोजित करण्याचा निर्णय घेतला. धक्कादायक म्हणजे, या निर्णयाला २० जानेवारी रोजीच मान्यता देण्यात आली. गोव्यात गुंतवणूक आणणे आणि रोजगार निर्माण करणे हा या कार्यक्रमाचा उद्देश होता.

या घाईमुळे १६ जानेवारी रोजी निविदा मागवण्यात आल्या. यात तीन कंपन्यांनी भाग घेतला, पण त्यापैकी फक्त 'बंदोडकर हॉस्पिटॅलिटी प्रायव्हेट लिमिटेड' ( ही एकच कंपनी पात्र ठरली. त्यांनी ३.३ कोटींची बोली लावली होती, ती वाटाघाटी करून ३ कोटींवर आणली आणि २४ जानेवारी रोजी त्यांना काम देण्यात आले. अवघ्या पाच दिवसांत म्हणजेच २९ जानेवारी रोजी कार्यक्रम झाला आणि फेब्रुवारीमध्ये ३ कोटींचे बिलही चुकते करण्यात आले.

ऑडिटमध्ये गंभीर चुका उघड

CAG च्या ऑडिटमध्ये अनेक चुका समोर आल्या. कार्यक्रमाच्या खर्चाचे तपशील अस्पष्ट होते. ७६ वेगवेगळ्या कामांसाठी (उदा. स्थळ, जेवण, ब्रँडिंग) किती खर्च येईल याचा कोणताही अंदाज दिला नव्हता. ४००-५०० प्रतिनिधींसाठी ६०० जणांच्या जेवणाची व्यवस्था का केली, हेही स्पष्ट नव्हते. CAG ने सांगितले की, नियम १३६(१) चे हे उल्लंघन आहे, कारण कामांना सुरुवात करण्यापूर्वी सविस्तर अंदाजपत्रक तयार करणे बंधनकारक असते. या निविदा प्रक्रियेत इतकी घाई का केली गेली याचेही कोणतेही ठोस कारण GIDC कडे नव्हते.

GIDC audit report
Goa Crime News: गोव्यात कायदा, सुव्यवस्था राहिली आहे की नाही?

पारदर्शकतेचा अभाव आणि चुकीची निवड

या घाईमुळे निविदा प्रक्रियेतील स्पर्धा कमी झाली, ज्यामुळे GIDC चे आर्थिक नुकसान झाले. 'ॲक्सिस कम्युनिकेशन्स' या दुसऱ्या कंपनीकडे चांगली उलाढाल आणि अनुभव असूनही तिला अपात्र ठरवून BHPL ला काम दिले गेले. CAG नुसार, निवड प्रक्रिया पारदर्शक नव्हती.

सर्वात महत्त्वाचे म्हणजे, BHPL कंपनी मूळ पात्रता निकष पूर्ण करत नसतानाही त्यांना काम देण्यात आले. CAG ने याला संपूर्ण निविदा प्रक्रियेला दूषित करणारा प्रकार म्हटले आहे. एकूणच, या कामात पारदर्शकतेचा अभाव होता आणि कामाच्या अंमलबजावणीची योग्य कागदपत्रेही नव्हती. शिवाय, ४५ लाखांपेक्षा जास्त GST इनपुट क्रेडिटचे नुकसान झाले असून, त्यावर GIDC ने कोणतीही कारवाई केली नाही, असेही CAG ने नमूद केले आहे. GIDC च्या उत्तराची अजूनही प्रतीक्षा आहे.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News on Dainik Gomantak
dainikgomantak.esakal.com