Mopa International Airport: मोपा विमानतळावर टॅक्सी नोंदणीसाठी टॅक्सीवाल्यांना गोवा पर्यटन विकास महामंडळाकडून (जीटीडीसी) सूचना देण्यात आली आहे. नवीन विमानतळावर जीटीडीसीचा टॅक्सी काऊंटर असणार असून तेथे सेवा उपलब्ध करून देण्यासाठी नोंदणी सक्तीची केली आहे. पेडणे तालुक्यातील टॅक्सीवाल्यांना येथे प्राधान्य दिले जाणार असून आजपासून नोंदणीला सुरवात झाली आहे, सूचनेत स्पष्ट करण्यात आले आहे.
जाहीर करण्यात आलेल्या सूचनेत ‘जीटीडीसी’ने अखिल गोवा टुरिस्ट आणि अखिल भारत परवाना असलेल्या टॅक्सीना नोंदणीसाठी येण्याची सूचना केली आहे. नोंदणीसाठी आवश्‍यक दस्तावेजांची यादी देण्यात आली असून त्यात आरसी प्रत, पथकर, फिटनेस प्रमाणपत्र, प्रदूषण प्रमाणपत्र, टुरिस्ट वाहन म्हणून चालवण्याचा परवाना यांचा समावेश आहे.
टॅक्सीच्या मालकांनी चालकाची पुष्टी केली असून त्याला वाहन चालवण्याची परवानगी देणारे पत्र सादर करावे लागेल. चालकाकडे वाहन चालवण्याचा परवाना आवश्‍यक आहे, तसेच टुरिस्ट वाहन चालवण्यासाठी पात्र आहे.
नोंदणीचा अर्ज संकेतस्थळावर
नोंदणीचा अर्ज पर्यटन खात्‍याच्‍या संकेतस्थळावर किंवा नोंदणी सुविधा केंद्र (आरसीएफ) पर्यटन भवन पाटो - पणजी, उत्तर गोवा आणि माथानी साल्ढाणा संकुल - मडगाव, दक्षिण गोवा येथे उपलब्ध करण्यात आले असल्याचे सूचनेत स्पष्ट करण्यात आले आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
