Flights To Goa: उन्हाळ्यात भोपाळवरुन गोव्याला थेट विमानसेवा, वेळापत्रकात पुण्याचा समावेश नाही

Flights To Goa

यंदाच्या उन्हाळी हंगामात भोपळच्या राजा भोज आंतरराष्ट्रीय विमानतळावरून थेट पुणे विमानसेवा सुरू होण्याची आशा जवळपास संपृष्टात आली आहे. इंडिगो आणि एअर इंडियाने उन्हाळी वेळापत्रकात पुण्यासाठी थेट उड्डाणांचा समावेश केलेला नाही.

पण गोवा, लखनौ, बेंगळुरू या शहरांसाठी थेट उड्डाणे सुरु करण्याचा निर्णय घेण्यात आला आहे. भविष्यात नफा दिसला, तर ही उड्डाणे सुरू ठेवली जातील, अन्यथा ती बंदही होऊ शकतात, विमान कंपन्यांनी म्हटले आहे.

इंडिगोची भोपाळ-बेंगळुरू संध्याकाळची फ्लाइट 6 मार्चच्या संध्याकाळपासून सुरू होणार आहे. यासाठी 6,790 रुपये प्रवासभाडे आकरले जाणार आहे.

तर, 31 मार्चपासून इंडिगो भोपाळ ते लखनऊसाठी फ्लाइट सुरू करणार आहे. ही फ्लाइट आठवड्यातून चार दिवस रविवार, सोमवार, बुधवार आणि शुक्रवार चालेल. यासाठी फ्लाइट बुकिंग सुरु झाले आहे. या उड्डाणाच्या संचलनामुळे भाविकांना अयोध्याधामकडे जाणेही सोपे होणार आहे.

इंदूरच्या फ्लाय बिग कंपनीने डायरेक्टर जनरल सिव्हिल एव्हिएशनकडे रीवा आणि दतियासाठी फ्लाइट सुरू करण्यासाठी परवानगी मागितली आहे.

भोपाळ विमानतळापासून रीवा आणि दतियापर्यंत छोटी विमाने चालवली जातील. प्रादेशिक कनेक्टिव्हिटीमध्ये, जबलपूर, उज्जैन आणि रायपूरशीही जोडण्याचा प्रयत्न केला जाईल.

उन्हाळी वेळापत्रकात अनेक शहरांसाठी थेट उड्डाणे सुरू आहेत. कंपन्याही लवकरच नवीन शहरांची घोषणा करतील, अशी अपेक्षा आहे, असे विमानतळ संचालक रामजी अवस्थी म्हणाले.