भारतीय अष्टपैलू क्रिकेटपटू युवराज सिंगचे (Yuvraj Singh) गोव्यात अलिशान घर आहे. सुंदर इंटेरिअर असलेले हे घर गोव्यातील मोरजी (Morjim, Goa) येथील निसर्गरम्य परिसरात उभारलेले आहे. 'कासा सिंग' असे युवराज सिंगच्या या अलिशान घराचे नाव असून गोव्याच्या पर्यटन खात्याने या घरावरुन युवराजला दणका दिला आहे. त्यामुळे युवराजचे घर आता पुन्हा चर्चेत आले आहे.
(Indian all rounder Yuvraj Singh's luxury home in Goa has been issued a notice by the tourism department)
मिळालेल्या माहितीनुसार गोव्यातील मोरजी (Morjim, Goa) येथील निसर्गरम्य परिसरात असलेल्या 'कासा सिंग' या घराचा वापर युवराज व्यावसायिक कामासाठी करतो आहे. मात्र याचा व्यावसायिक कर भरणे अपेक्षित असताना तो भरला गेला नसल्याचं पर्यटन खात्याने म्हटले आहे.
याबाबत माहिती देताना पर्यटन खात्याने म्हटले आहे की, या घराचा वापर हा व्यावसायिक कामासाठी होत आहे. तशी नोंदणी करणे आवश्यक होते, मात्र नोंदणी झालेली नाही. त्यामुळे पर्यटन खात्याने युवराज सिंग याला नोटीस बजावली आहे. यावर 8 डिसेंबरला सुनावणी पार पडणार आहे. यासाठी युवराज सिंगला उपस्थित राहण्याचे निर्देश देण्यात आले आहेत. त्यामुळे न्यायालय यावर काय निर्णय देणार याकडे सर्वांचे लक्ष लागले आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
