म्हापसा: बार्देशातील पंचायत निवडणुकीचा कौल हा पॅनेल किंवा पुरस्कृत उमेदवारांपेक्षा अपक्ष उमेदवारांच्या बाजूने दिसला. तालुक्यातील जवळपास सर्वच पंचायतींमध्ये अपक्षांनीच बाजी मारली. याशिवाय साळगाव पंचायतीच्या एका प्रभागात दोन उमेदवारांना समान मते मिळाल्याने चिठ्ठी काढून निकाल जाहीर करण्यात आला आहे.
(Independent candidates win in Bardesh)
बार्देश येथील पंचायत निवडणुकीची मतमोजणी संपताच तालुक्यातील अपक्ष उमेदवारांना स्पष्ट पाठिंबा मिळाल्याचे निष्पन्न झाले. त्यामुळे हेच अपक्ष उमेदवार येत्या काळात पंचायत मंडळ निर्मितीत महत्त्वाची भूमिका बजावतील, असेच चित्र आहे. अनेक पंचायतींमध्ये अपक्षांनी आश्चर्यचकित कामगिरी केल्याने अनपेक्षित निकाल लागले. यामध्ये कळंगुट पंचायतमधून एकूण पाच अपक्ष उमेदवार निवडून आले. त्यामुळे आमदार मायकल लोबोंच्या पॅनेलला जबर धक्का बसला. तालुक्यात काही भागांत दांपत्यांनाही संमिश्र प्रतिसाद लाभला. मात्र, अनेकांना पराभव पत्करावा लागला.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
