फोंडा : गोव्यातील(Goa) मोले पंचायत क्षेत्रातील माकडये, सागोळ, सुकतळी, धाटफार्म येथील विद्यार्थ्यांना नेटवर्कची सुविधा नसल्याने डोंगरभागातील जंगलात व बसथांब्यावर बसून शिक्षण घ्यावे लागत आहे. मोले पंचायत क्षेत्रातील बहुतेक भाग जंगलात येत असून नेटवर्कअभावी लांब पल्ला गाठत जागा शोधावी लागते. (In the Mole Panchayat area of Goa, students study in the forest and bus stops)
माकडये, सागोळ भागाचे पंचसदस्य राजेश सांगोडकर यांनी सांगितले की, मोबाईल टॉवरसाठी आमच्या प्रभागात कुणाचाच विरोध नाही. सध्या चार टॉवर आहेत. सरकारने सुरू केलेली नेटवर्कची सुविधा विद्यार्थ्यांच्या शिक्षणासाठी नावापुरतीच राहिली आहे. विविध विद्यालयात, कॉलेजात जाणाऱ्या विद्यार्थ्यांचे नेटवर्कसेवेअभावी शैक्षणिक नुकसान होत आहे. यासंबंधी विचारणा केली असताना तात्पुरती नेटवर्क सेवा उपलब्ध होऊन गायब होते. पावसात नेटवर्क सेवा कोलमडून जाते. वर्गात मिळणारे शिक्षण हेच खरे शिक्षण आहे, अशी प्रतिक्रिया सांगोडकर यांनी व्यक्त केली.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
