पणजीत चौघांना बेदम मारहाण; चौघांना अटक

पणजी: पर्वरी येथील गर्वित मनिष कोहली याच्यासह त्याच्या मित्रांना बेदम मारहाण करणाऱ्या चिंबलच्या चार संशयितांना पणजी पोलिसांनी अटक केली.

ही घटना काल सकाळी पावणेबाराच्या सुमारास पणजी रेसिडन्सी हॉटेलसमोरील परिसरात घडली. त्यांच्याविरुद्ध धमकावण्याचा व मारहाणीचा गुन्हा दाखल करण्यात आल्याची माहिती पोलिस निरीक्षक निखिल पालेकर यांनी दिली.

या घटनेप्रकरणी अटक करण्यात आलेल्या संशयितांची नावे शानूर बाबाजान दरगड ऊर्फ पल्सर (36वर्षे), मोहिद्दिन साब सहानी (35वर्षे), महम्मद असिफ अलाउद्दिन तंबक (2वर्षे) व वासिम मेहबू बने (22वर्षे) अशी आहेत. हे सर्वजण इंदिरानगर - चिंबल येथील रहिवासी आहेत.