पणजी: गोव्याच्या मंत्रिमंडळात कोणताही फेरबदल नजीकच्या काळात होणार नाही असे मुख्यमंत्री डॉ प्रमोद सावंत (CM Pramod Sawant) यांनी आज स्पष्ट केले. मुख्यमंत्री काल दिल्ली दौऱ्यावर होते. (Important statement of the Chief Minister Pramod Sawant regarding the cabinet reshuffle)
राज्यात नेतृत्वबदल होईल किंवा किमान मंत्रिमंडळामध्ये बदल होईल अशी चर्चा होती. या संदर्भात मुख्यमंत्र्यांना विचारले असता त्यांनी मंत्रिमंडळातील फेरबदलाची शक्‍यता फेटाळून लावली. तसा कोणताही विषय विचाराधीन नाही आणि दिल्लीत या संदर्भात कसलीही चर्चा झाली नाही असे त्यांनी सांगितले.
राज्यातील अनेक विषय मार्गी लावण्यासाठी हा दौरा होता. पंतप्रधान नरेंद्र मोदी, केंद्रीय गृहमंत्री अमित शहा यांच्यासह अनेक मंत्र्यांच्या गाठीभेटी या दौर्‍यात घेतल्याचा फायदा राज्याचे प्रश्न मार्गी लागण्यासाठी होणार आहे, असे त्याने विमानतळावरून पणजीला निघून जाण्यापूर्वी सांगितले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.