Goa Weather Update: गोव्यात सोमवारपासून तीन दिवस पावसाची शक्यता; तापमानाचा पारा 33.5 अंशांवर

Goa Weather Update

राज्यात तापमानाचा पारा दिवसेंदिवस वाढत आहे. रखरखत्या उन्हाने सर्व नागरिकांसाठी पशू-पक्षी देखील हैराण झाले आहेत. राज्यातील कमाल तापनान ३३.५ अंश सेल्सिअसवर पोहोचले आहे. मागील काही दिवसात ते ३४ अंशावर पोहोचले होते.

राज्यात सातत्याने वाढत असलेल्या तापमानामुळे एप्रिलमध्ये राज्यात उष्णतेची लाट येण्याची शक्यताही वर्तविण्यात आली आहे.

त्यासोबतच गोवा वेधशाळेने या रखरखत्या उन्हात गारवा पसरवणारी शक्यता वर्तविली आहे. राज्यात सोमवारपासून तीन दिवस म्हणजेच ८ ते १० एप्रिल या कालावधीत राज्यातील काही भागात तुरळक पावसाची शक्यता वर्तविण्यात आली आहे.

वाढत्या उष्म्यामुळे नागरिक पावसाची वाट पाहत आहेत. आज पणजी येथे कमाल ३३.५ अंश सेल्सिअस तर किमान २४ अंश सेल्सिअस तापमानाची नोंद करण्यात आली तर राज्यात सकाळी ७३ तर सायंकाळी ५९ टक्के आर्द्रता नोंदविण्यात आली जी सर्वसामान्य आर्द्रतेच्या तुलनेत ७ टक्के कमी होती.