गोव्यात बेकायदेशीररित्या रेती वाहतूक: एकास अटक

मडगाव: बेकायदेशीररित्या रेती वाहतूक केल्याप्रकरणी मायणा-कुडतरी पोलिसांनी बसवराज दोडामणी याला अटक करून त्याच्याकडील ट्रक ताब्यात घेतला. हा चालक मूळ गदग-कर्नाटक येथील असून त्याच्या ट्रकमध्ये सहा मीटर वाळू सापडली, अशी माहिती पोलिसांनी दिली. नंतर त्याला जामिनावर सोडण्यात आले. याप्रकरणी पोलिस उपनिरीक्षक करिश्मा प्रभू पुढील तपास करत आहेत.