Illegal Liquor in Goa: ‘सिंग लिकर’च्या मालक, चालकाला ‘शो-कॉज’; अबकारी खात्याची कारवाई

२३ रोजी सुनावणी
Illegal Liquor in Goa
Illegal Liquor in GoaDainik Gomantak

Illegal Liquor in Goa: कळंगुट येथील ‘सिंग लिकर’ मद्यालयावर बनावट मद्यविक्रीप्रकरणी फरिदाबाद पोलिसांनी कारवाई करण्यापूर्वी अबकारी खात्याने त्याच्याविरुद्ध कारवाई केली होती. या मद्यालयाचा परवानाधारक मालक कैलाश साखळकर तसेच हे मद्यालय भाडेतत्वावर चालवणारा मनिंदर सिंग या दोघानांही कारणे दाखवा नोटीस बजावण्यात आली आहे. या नोटिशीवर खात्यासमोर २३ मे रोजी सुनावणी होणार आहे.

Illegal Liquor in Goa
Sanquelim News : साखळी शहराला ‘रोल मॉडेल’ बनविणार - रश्मी देसाई

हरियाणास्थित मनिंदर सिंगकडे मद्यविक्रीसाठी वाहतूक परवाना नसल्याची माहिती मिळाली होती. त्याआधारे अबकारी पथकाने मार्चमध्ये या मद्यालयावर छापा टाकून सुमारे २३ विदेशी बनावटीच्या मद्य बाटल्या जप्त केल्या होत्या. त्याची किंमत सुमारे ५६ हजार रुपये होती. या कारवाईत खात्याने मालक व चालकाला एप्रिलमध्ये नोटीस बजावली होती. ही सुनावणी आता मे मध्ये ठेवली आहे. ज्यावेळी खात्याने कारवाई केली तेव्हा पाच कर्मचारी मद्यालयात होते, अशी माहिती अबकारी आयुक्त नारायण गाड यांनी दिली.

मनिंदर सिंगला बनावट मद्यविक्री रॅकेटमध्ये काही दिवसांपूर्वी फरिदाबाद पोलिसांनी अटक केली आहे. गोवा अबकारी खात्याने त्याच्याविरुद्ध वाहतूक परवाना नसल्याप्रकरणी नोटीस बजावली आहे. या कारवाईत जप्त बाटल्यांचीही तपासणी होत आहे. सुनावणीनंतर या सिंग लिकर मद्यालयावर कायद्यानुसार योग्य ती कारवाई होऊ शकते,असे मत अधिकाऱ्यांनी व्यक्त केले.

दरम्यान, हल्लीच पत्रादेवी येथे अबकारी खात्याच्या अधिकाऱ्यांनी २३ लाखांचा दारूसाठा जप्त केला होता. हा साठा ट्रकमधून नेला जात होता.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com