Illegal Liquor confiscated In Raid On Goa Surat Train: गोव्यातून तस्करी करण्यात आलेले मद्य सुरत रेल्वे स्थानकावरुन जप्त करण्यात आले आहे. याप्रकरणी चार जणांना पोलिसांनी अटक केली असून, इतर पाच आरोपी फरार आहेत. संशयितांकडून एक लाख 67 हजारांचा मुद्देमाल जप्त करण्यात आला आहे.
संतोष गिरीधारीलाल पटेल, राहुल काळु कनोजिया, कृष्णाकुमार सियाराम बिंद, रोहीत सेवालाल जयभीम असे अटक करण्यात आलेल्या चार जणांची नावे आहेत. तर, पाचजण फरार आहेत.
पोलिसांनी संशयित आरोपींकडून 1 लाख 57 हजार 900 रुपये किमतीच्या दीड हजार मद्याच्या बाटल्या, सतराशे रुपये कॅश, चार मोबाईल असा एकूण एक लाख 67 हजार किमतीचा मुद्देमाल पोलिसांनी जप्त केला आहे.
रेल्वे मार्गाने मद्याची तस्करीबाबत सुरत रेल्वे स्थानकावरील पोलिसांनी माहिती मिळाली. पोलिसांनी स्थानकावर रेल्वेत छापा टाकला असता, त्यांना गोवा बनावटीच्या मद्य आढळून आले. पोलिसांनी चार जणांना ताब्यात घेतले असून, पाचजण फरार आहेत.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.