IFFI 2023 : भारतीय सिनेउद्योगाने ॲनिमेशनपटांना प्रोत्साहन द्यावे: शूजीत

विलास ओहाळ

पणजी, चित्रपटांत सध्या व्हिडिओ व्ह्युजचा वापर होतो. त्यामुळे बॉलीवूड, टॉलीवूड, गॉलीवूड, असे न पाहता देशातील सिनेमा उद्योग क्षेत्राने ‘ॲनिमेशन चित्रपटांना प्रोत्साहन दिले पाहिजे, असे मत प्रसिद्ध चित्रपट निर्माते आणि दिग्दर्शक शूजीत सिरकार यांनी व्यक्त केले.

ब्रह्मकुमारी या महिला संघटनेचे संस्थापक दादा लेखराज कृपालिनी यांच्यावरील ‘दी लाईट'' या ॲनिमेशन माहितीपटाचा ‘इफ्फी’मध्ये समावेश आहे.

त्या चित्रपटाच्या सादरीकरणानिमित्त झालेल्या पत्रकार परिषदेत माहितीपटाचे क्रिएटिव्ह प्रोड्युसर म्हणून सिरकार बोलत होते. याप्रसंगी चित्रपटाचे निर्माते हरिलाल भानुशाली, ॲनिमेशन दिग्दर्शक प्रसाद आजगावकर यांची उपस्थिती होती.

आपण ॲनिमेशन चित्रपट किंवा त्यांची कथा अत्यंत गांभीर्याने पाहतो. प्रेक्षकांना हा चित्रपट खेचून आणेल, असे काही त्यात आहे काय यावर सिरकार म्हणाले, त्यात आपण काहीही वेगळे समाविष्ट केलेले नाही, कारण तो एक माहितीपट आहे.

ब्रह्मबाबांच्या जीवनावर हा लघुपट आहे, परंतु त्यांचे जीवन जर लोकांना आकर्षित करीत असेल, तर लोक निश्‍चित तो चित्रपट पाहण्यास जातील.