सत्तेत आल्यास अंगणवाडी कर्मचाऱ्यांचे प्रश्न सोडवू: गोवा काँग्रेसचे आश्वासन

पणजी: गोवा प्रदेश काँग्रेस कमिटीचे अध्यक्ष गिरीश चोडणकर यांच्या नेतृत्वाखाली काँग्रेस पक्षाच्या शिष्टमंडळाने शुक्रवारी पणजी येथील आझाद मैदानावर आंदोलन करणाऱ्या अंगणवाडी कर्मचाऱ्यांची भेट घेतली. 2022 मध्ये राज्यात सत्तेत आल्यास अंगणवाडी सेविकांचे प्रश्न सोडविण्याचे आश्वासन काँग्रेसने दिले आहे.

पगारवाढ व स्वेच्छानिवृत्ती योजना सुरू करण्यात यावी, या अंगणवाडी कर्मचाऱ्यांच्या प्रमुख मागण्या आहेत.

"अंगणवाडी सेविका (Anganwadi Workers) आपल्या मंगण्यांच्या पूर्ततेसाठी आंदोलन करत आहेत. आम्ही त्यांना आश्वासन दिले आहे की आम्ही सत्तेत आल्यानंतर त्यांचे प्रश्न सोडवू," असे काँग्रेस (Congress) पक्षाचे प्रवक्ते अमरनाथ पणजीकर यांनी शनिवारी सांगितले. ते पुढे म्हणाले, "त्या लहान मुलांची (Children) काळजी घेतात, त्यामुळे त्यांना चांगला पगार मिळावा असे आम्हाला वाटते. शिक्षकांना योग्य पगार दिला जातो, मग अंगणवाडी सेविकांना वेगळी वागणूक का?"