North Goa Congress: आठ दिवसात रस्ते दुरुस्त करा, अन्यथा... ; काँग्रेसचा प्रशासनाला अल्टीमेटम

North Goa Congress: राज्यातील मॉन्सूनपूर्व कामे अजूनही 100 टक्के पूर्ण न झाल्याने नागरिकांनी रोष व्यक्त केला आहे. ठिकठिकाणी खोदलेल्या रस्त्यांमुळे राज्यभरात वाहतुकीला मोठ्या प्रमाणात अडथळा निर्माण होत आहे. याच संदर्भात कॉंग्रेस आक्रमक झाले असून ही कामे त्वरित पूर्ण न झाल्यास मोर्चा काढण्याचा इशाराही देण्यात आला आहे.

माहितीनुसार, म्हापसा तसेच बार्देशमध्ये काही कालावधीपासून भूमिगत वीजवाहिनी टाकण्याचे काम सुरू आहे. यासाठी ठिकठिकाणचे रस्ते खोदण्यात आले आहेत. यामुळे म्हापशात मोठ्या प्रमाणात वाहतुकीला अडथळा निर्माण होत आहे.

याच पार्श्वभूमीवर उत्तर गोवा कॉंग्रेस समिती आक्रमक झाली असून येत्या आठ दिवसात म्हापसा तसेच बार्देशमधील वीजवाहिनी टाकण्यासाठी खोदलेले रस्ते जर दुरुस्त झाले नाहीत तर वीज विभागावार मोर्चा नेणार असल्याचा इशारा देण्यात आला आहे.