Idol Found In River : सांकवाळ येथे सापडली विजयादुर्गेची मूर्ती

सांकवाळ येथील फ्रंटीयर पीस ऑफ सांकवाळ या परिसरात झुआरी नदीमध्ये श्री विजयादुर्गा देवीची मूर्ती सोमवारी (ता.22) सकाळी मासे पकडण्यासाठी गेलेल्या स्थानिक तरुणाला सापडली. सुकतीच्या वेळी मूर्तीवर तरुणाचे लक्ष गेले. त्याने ती तशीच उचलून आणून जवळच असलेल्या एका घरामध्ये ठेवली आहे. सध्या या परिसरात लोक तिसऱ्या, कालवा किंवा शिनाण्यों रापणीसाठी ओहोटीच्या वेळी समुद्रात जातात.

अशाच प्रकारे काही वर्षांपूर्वी एक देवीची मूर्ती या परिसरात सापडली होती. नंतर ती पुराभिलेख संचालनालयामध्ये ठेवण्यात आली होती. सांकवाळ म्हणजे शंखवाळ असून या परिसराला देवीदेवतांचा धार्मिक पदस्पर्श असून याचे ज्वलंत उदाहरण म्हणजे समुद्रातून सापडलेली श्री विजयादुर्गा देवीची मूर्ती आहे.

या परिसरात ही देवीची मूर्ती सापडणे म्हणजे येथे धार्मिक पार्श्वभूमी आहे. या देवदेवतांचा पदस्पर्श या पावन भूमीला व्हावा तसेच या देवीची मूर्ती याच ठिकाणी स्थापन व्हावी, अशी इच्छा आहे.

तुळशीदास नाईक, पंच, सांकवाळ पंचायत