गांजा बाळगल्याप्रकरणी हैद्राबादच्या एकाला पणजीत अटक तर महाराष्ट्रातील महिलेची रेल्वेतून लाखोंची बॅग चोरीला

गोव्यातून आज दोन घटना समोर आल्या आहेत. गांजा बाळगल्याप्रकरणी हैद्राबाद येथील एकाला पणजीत अटक करण्यात आली आहे. तर, ट्रेनमधून मुंबईला प्रवास करणाऱ्या महिलेची लाखोंची बॅग चोरीला गेल्याची घटना उघडकीस आली आहे.

मिळालेल्या माहितीनुसार, पणजी पोलिसांनी महेंदर सिंग (वय 35, रा. हैद्राबाद ) याला गांजा बाळगल्याप्रकरणी अटक केली आहे. जुने सचिवालय येथे पोलिसांनी छापा टाकत 1.10 लाख रूपये किंमतीचा 1.108 किलो ग्रॅम गांजा जप्त केला आहे. पोलिसांनी संशयिताला अटक केली असून, पुढील तपास सुरु आहे.

तसेच, मंगळूर - मुंबई एक्सप्रेसमधून प्रवास करणाऱ्या महाराष्ट्रातील महिलेची लाखो रूपयांचा ऐवज असलेली बॅग चोरीला गेली आहे. बॅगेत 10.15 लाख रूपयांचा ऐवज होता अशी माहिती समोर आली आहे. याप्रकरणी मडगाव पोलिस ठाण्यात गुन्हा दाखल करण्यात आला असून, पोलिस अधिक तपास करीत आहेत.