गोव्याचे मुख्यमंत्री सिंधुदुर्गला ऑक्सिजनचा चा पुरवठा कसा करणार?

सासष्टी: सरकारला लोकांची काळजी  नाही.  गोव्यात(Goa) ऑक्सिजन(Oxygen) तुटवडा असताना तो सिंधुदुर्गला पुरविण्याचे मुख्यमंत्री सावंत(Pramod Sawant) यांनी दिलेले आश्वासन आमचा दावा खरा ठरवत आहे. रुग्णांचे ऑक्सिजनअभावी हाल होत असताना मुख्यमंत्री सिंधुदुर्गला(Sindhudurag) कुठला पुरवठा करणार हे त्यांनी स्पष्ट करावे, अशी मागणी विरोधी पक्षनेते दिगंबर कामत(Digambar Kamat) यांनी केली आहे. मुख्यमंत्र्यांनी महाराष्ट्राचे(Maharashtra) आमदार दीपक केसरकर यांना सिंधुदुर्गला गोव्यातून ऑक्सिजन देण्याचे आश्वासन दिले आहे.(How will Goa CM Pramod Sawant supply oxygen to Sindhudurg)

आमदार ढवळीकर ‘आत्मनिर्भर’ बनून प्रमोद सावंत यांच्या मंत्रिमंडळात ‘स्वयंपूर्ण’ होण्याचा विचार करीत असावेत 

गोव्यात कोविडबाधित रुग्णांना ऑक्सिजनच्या कमतरतेमुळे त्रास सहन करावा लागत आहे. गोमेकॉ इस्पितळातील डॉक्टर ऑक्सिजनच्या एका सिलिंडरवर तीन रुग्णांना प्राणवायू पुरवत आहेत. रुग्णांच्या नातेवाईकांना सिलिंडरसाठी धावपळ करावी लागत आहे. कॉंग्रेसचे युवा कार्यकर्ते दिवस-रात्र मेहनत करून लोकांना ऑक्सिजनचे सिलिंडर पुरविण्याचा प्रयत्न करीत आहेत, असेही दिगंबर कामत यांनी स्पष्ट केले. 

विचार करूनच घराबाहेर पाऊल टाका; पोलिस महासंचालक मुकेश कुमार मीणा यांचा गोयेंकरांना इशारा 

सर्वपक्षीय शिष्टमंडळाकडून गोव्यातील प्राणवायू पुरवठा पाहणी करण्याची सरकारकडे मागणी केली होती. परंतु, मुख्यमंत्री किंवा आरोग्यमंत्री विश्‍वजित राणे यांनी याबाबत अद्याप निर्णय घेतलेला नाही. गोवा सरकारने पंतप्रधान कार्यालयाने मागितलेला प्राणवायूसंबंधीचा अहवाल जाहीर करावा. सरकार प्राणवायू व्यवस्थापनावर श्वेतपत्रिका काढण्यास का घाबरते, याचे उत्तर मुख्यमंत्र्यांनी द्यावे, अशी मागणीही दिगंबर कामत यांनी केली आहे. जर सरकारने आताच पावले उचलली नाही तर ऑक्सिजनच्या कमतरतेमुळे गोव्यात जे मृत्यू होतील त्याला भाजप सरकार जबाबदार असेल, असा इशाराही त्यांनी दिला आहे.