Bhumiputra Bill: मुख्यमंत्र्यांचा फोलपणा उघड

पणजी: गोवा (Goa) भूमिपुत्र (Bhumiputra) अधिकारिणी विधेयकाबाबत मुख्यमंत्री डॉ. प्रमोद सावंत (CM Pramod Sawant) यांच्यावर जोरदार टीका झाली. संपूर्ण गोवा या विधेयकाबाबत असमाधानी होते. विरोधकांशी कोणतीही चर्चा न करता आणि निवडणुकीसाठीचे गाजर दाखवत गोवेकरांना मूर्ख बनवण्याच्या हेतूने हे विधेयक घाईघाईने मंजूर केले, अशी टीका आम आदमी पक्षाने (AAP) केली आहे. (How Bhumiputra Bill was passed without discussion in Assembly)

मुख्यमंत्र्यांनी आताच हे विधेयक रद्द करणे, यावरून अनेक गोष्टी सिद्ध होतात. सध्याच्या या विधेयकाचे स्वरूप कोणाच्याही फायद्याचे नसून आमदार आणि त्यांच्या मित्रांच्या फायद्यासाठी आहे. सावंत यांनी असा कायदा करण्यासाठी पुन्हा प्रयत्न करू नये, कारण ते कोणत्याही गोवेकरांच्या हिताचे नाही. जर गोवेकरांचा आवाज इतका महत्त्वाचा होता, तर विधानसभेत चर्चा न करता हे विधेयक कसे मंजूर झाले? सार्वजनिक आक्रोशानंतरच लोकांचा विचार केला पाहिजे का? भाजप आणि मुख्यमंत्र्यांना लोकशाहीच्या मूलभूत तत्त्वांची माहिती नाही का? विधेयकाचे नाव बदलण्यासारख्या स्टंटमध्ये सहभागी होण्याऐवजी भाजपने आपला फोलपणा ओळखला पाहिजे आणि संपूर्णपणे विधेयक रद्द केले पाहिजे. विधेयक मंजूर होण्याआधी नव्हे, तर नंतर विधेयकावर चर्चा केली जाते, हे हास्यास्पद आहे. विशेषत: ते इतक्या घाईघाईने आणि लोकशाही पद्धतीने मंजूर करणे ही जनतेची थट्टा आहे, असे ‘आप’चे गोवा संयोजक राहुल म्हांबरे म्हणाले.

भाजप सरकारने मंजूर केलेले हे विधेयक फक्त एक नौटंकी आहे. जेव्हा आम आदमी पक्षाचे सरकार येईल, तेव्हा सर्व धोरणे लोकांच्या विश्वासाने बनवली जातील आणि याचा फायदा सर्व लोकांना होईल. गोवा म्हणजे फक्त काही आमदार आणि त्यांचे मित्र नाहीत. गरज आहे ती फक्त राजकीय इच्छाशक्ती आणि प्रामाणिक हेतूची. पण प्रमोद सावंत हे जुमला करण्यात व्यस्त आहेत, अशी टीका म्हांबरे यांनी केली.