डिचोली: सरकार आणि जनतेच्या सहकार्यातून मये (Mayem) मतदारसंघात विविध मूलभूत विकास कामे मार्गी लावली असून, या मतदार संघाचा चेहरा मोहरा बदलणे हे आपले ध्येय आहे. असे प्रतिपादन मयेचे आमदार प्रवीण झाट्ये यांनी पिळगाव येथे बोलताना केले.
सार्वजनिक बांधकाम खात्यातर्फे सुमारे 80 लाख रुपये खर्चून पिळगाव (Pilgaon) पंचायत क्षेत्रातील बागवाडा ते सारमानसपर्यंतच्या रस्त्याची दुरुस्ती आणि हॉटमिक्स डांबरीकरण करण्यात येणार आहे. या कामाची पायाभरणी केल्यानंतर आमदार झांट्ये यांनी बोलताना यापुढेही आपण जनतेची सेवा करण्यास तत्पर राहणार असल्याचे स्पष्ट केले.
यावेळी पिळगावचे सरपंच संदीप सालेलकर, उपसरपंच सौ. उर्मिला प्रभूगावकर, पंच अनिल नाईक आदीसह स्थानिक नागरिक मोठ्या संख्येने उपस्थित होते. रस्त्याचे (Road) हॉटमिक्स डांबरीकरण होत असल्याने सरपंच सालेलकर यांनी समाधान व्यक्त केले.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
