मुरगावातील सर्व अंतर्गत रस्त्यांवर हॉटमिक्स डांबरीकरणाचे काम सार्वजनिक बांधकाम खात्याच्या रस्ते विभागामार्फत सुरू असून, यात भविष्यात आणखी वाढ होणार असल्याची माहिती आमदार संकल्प आमोणकर यांनी दिली.
मुरगाव सडा, जेटी, देस्तेरो , बायणा व इतर भागातील सर्व अंतर्गत रस्त्यावर हॉटमिक्स डांबरीकरण करण्याचे काम युद्धपातळीवर सुरु आहे. सार्वजनिक बांधकाम रस्ते विभागा तर्फे अंदाजे 7 कोटी रुपये खर्चून मुरगावातील अंतर्गत रस्त्यांचे हॉटमिक्स डांबरीकरण सुरू आहे.
सडा येथील सरकारी विद्यालयाकडून अंतर्गत रस्त्यावर डांबरीकरण कामाचा शुभारंभ आमोणकर यांच्या हस्ते करण्यात आला. यावेळी मुरगाव भाजप गटाध्यक्ष संजय सातार्डेकर, नगरसेवक दामू कासकर, नगरसेविका मृणाली पार्सेकर, श्रद्धा आमोणकर, माजी नगरसेवक रमाकांत कुडपकर, अविनाश नाईक, विशांत नाईक, महेश नाईक व इतर स्थानिक रहिवाशी मोठ्या संख्येने उपस्थित होते.
‘आपले फक्त विकासावर लक्ष’
गेल्या आठवड्यात राज्य नगरविकास विभागाच्या राज्य नगरविकास संस्था(सुडा) तर्फे वास्कोत मासळी मार्केट व बायणा येथे व्यावसायिक इमारतीच्या पायाभरणी सोहळ्यात आमदार संकल्प आमोणकर यांना आमंत्रण देण्यात आले नव्हते याविषयी ते म्हणाले, की राज्याच्या विकासात कोणीही अडथळा निर्माण करू नये. प्रत्येकाने नकारात्मक विचार सोडून, सकारात्मक विचाराने कार्य करावे. मला का बोलाविण्यात आले नाही, याचा विचार करण्यापेक्षा विकासावर लक्ष केंद्रित करणे मला गरजेचे वाटते.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.