डिचोली : चिमूलवाडा-मये येथे एका घराला लागलेल्या आगीत लाखो रुपयांचे नुकसान झाले आहे. ही घटना रविवारी रात्री सव्वा आठ वाजण्याच्या सुमारास घडली. उल्हास रेडकर यांच्या घराला ही आग लागली. आग नेमकी कशी लागली, त्याचे कारण स्पष्ट नसले, तरी शॉर्टसर्किटमुळे आग लागण्याची घटना घडल्याचा प्राथमिक अंदाज आहे. या घटनेत रेडकर यांचे 5 लाखांहून अधिक रुपयांचे नुकसान झाल्याचा अंदाज आहे. रेडकर यांची अर्धांगवायूने त्रस्त वृद्ध आई या घटनेतून मात्र सुखरूप बचवल्या आहेत.
माजी आमदार नरेश सावळ यांचे चालक उल्हास रेडकर यांच्या घरात ते राहत असलेल्या भागाला आग (fire) लागली. या आगीत घराचे फर्निचर, इलेक्ट्रॉनिक वस्तू जळून खाक झाल्या आहेत.
अग्निशामक दलाला घटनेची माहिती मिळताच, दलाचे अधिकारी श्रीपाद गावस यांच्या मार्गदर्शनाखाली दलाच्या जवानांनी बंबसह घटनास्थळी धाव घेतली. लिडींग फायर फायटर प्रल्हाद देसाई आणि महादेव गावस यांच्या नेतृत्वाखाली शैलेश साळकर (चालक-ऑपरेटर), रावजीराव राणे, संदीप गावस जितेश नाईक आणि संदीप परब या दलाच्या जवानांनी मदतकार्य करून आग विझवली. रात्री उशिरापर्यंत मदतकार्य चालू होते.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
