Mahadayi Water Issue: मांडवीच्‍या किनाऱ्यावर म्हादईसाठी होम हवन

Mahadayi River: म्हादई वाचविण्यासाठी जनआंदोलन उभारले जात आहे. त्याशिवाय अनेक सामाजिक कार्यकर्ते, पर्यावरणप्रेमी आपापल्या परीने जागृती करीत आहेत. सामाजिक कार्यकर्त्या तारा केरकर यांनी पणजीत मांडवी किनाऱ्यावर म्हादईसाठी होमहवन केला. ‘सेव्ह म्हादई-सेव्ह गोवा’ या चळवळीच्या सर्व कार्यकर्त्यांनी हजेरी लावत या उपक्रमाला पाठिंबा दिला.

याप्रसंगी ‘सेव्ह म्हादई-सेव्ह गोवा’चे हृदयनाथ शिरोडकर, प्रजल साखरदांडे यांच्यासह इतर पदाधिकारी उपस्थित होते. राजकीय फायद्यासाठी म्हादईला जोडणाऱ्या इतर नद्यांचे पात्र कर्नाटक वळवू पाहत आहे.

कर्नाटकाचा हा डाव अयशस्वी ठरू दे, पर्यावरण वाचविण्यासाठी म्हादईचे रक्षण करावे, अशी याचना कार्यकर्त्यांनी याप्रसंगी मांडवी किनारी केली.

म्हादई वळविणाऱ्यांना चांगली बुद्धी देवो, आमची म्हादई आमच्याकडे राहो, अशी याचना आम्ही या हवनाच्या माध्यमातून केलेली आहे, असे शिरोडकर म्हणाले,