Goa Accident News: रेडेघाटी-सत्तरीत 'हिट-अँड-रन'; एकजण जखमी

Hit-And-Run accident at Redeghati-Sattari

राज्यात अपघातांची मालिका सुरू आहे. यामध्ये जखमी आणि मृत्यू होण्याचे प्रमाणही वाढले आहे. नुकत्याच मिळालेल्या माहितीनुसार, सत्तरी येथे हिट-अँड-रन अपघात घडला असून यामध्ये एकजण जखमी झाला आहे.

उपलब्ध माहितीनुसार, बोलेरो पिकअपची एका मोटारसायकलला जोरदार धडक बसली. यामध्ये मोटारस्वार साईप्रसाद नाईक हे गंभीर जखमी झाले आहेत. नाईक कोपर्डे-सत्तरी येथील रहिवासी आहेत.

दरम्यान, अज्ञात पिकअपचालकाने घटनास्थळावरून पळ काढला. अपघाताची माहिती मिळताच पोलीस घटनास्थळी दाखल झाले असून नाईक यांना उपचारासाठी गोवा वैद्यकीय महाविद्यालयात दाखल करण्यात आले आहे.

पोलीस पिकअपचालकाचा शोध घेत आहेत.