काणकोणात मुसळधार पावसामुळे झाडांची पडझड झाली तर एका जुन्या घराचा काही भाग कोसळला. रस्त्यावरून पाणी वाहत असल्यामुळे आपत्कालीन व्यवस्थापनातर्फे उपजिल्हाधिकारी मधू नार्वेकर व अग्निशमन दलाच्या जवानांना धावपळ करावी लागली.
गुळे येथील काणकोण ते मडगाव महामार्गावरून पाणी वाहू लागले. उपजिल्हाधिकाऱ्यांनी जेसीबीच्या साहाय्याने महामार्ग सुरक्षित केला. माशे-लोलये येथील एका जुन्या घराचा काही भाग कोसळला. काणकोण रेल्वे स्थानक, नगर्से येथील रस्त्यावर पावसामुळे एक झाड कोसळले, अशी माहिती अग्निशमन दलाकडून मिळाली.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.