पणजी : गोवा वैद्यकीय महाविद्यालय इस्पितळात विविध पदांवरील नोकरभरतीत झालेल्या गैरप्रकाराविरोधात शैलेंद्र वेलिंगकर यांनी सादर केलेली याचिका मुंबई उच्च न्यायालयाच्या गोवा खंडपीठासमोर आली. प्राथमिक सुनावणीनंतर गोवा खंडपीठाने सरकारला नोटीस बजावून त्यावरील सुनावणी 24 जानेवारीला ठेवली आहे. तसेच वेलिंगकर यांची ही याचिका इतर नोकरभरती घोटाळा याचिकांसोबत जोडण्यात यावी, असेही नमूद केले आहे. (GMC Goa News Updates)
आरोग्‍य खाते तसेच गोमेकॉत (GMC) विविध पदांसाठी नोकरभरती करण्यात आली आहे. ही नोकरभरती सर्व नियम व प्रक्रिया धाब्यावर बसवून करण्यात आली आहे. निवड झालेल्या उमेदवारांची यादी घोषित होण्यापूर्वीच काहींना त्यांची नियुक्तीपत्रे पोचवण्यात आली. बहुतांश निवड झालेले उमेदवार हे सत्तरी (Sattari) तालुक्यातीलच आहेत.
राज्यात निवडणूक आचारसंहिता लागू होण्यापूर्वी ही प्रक्रिया पूर्ण करण्यासाठी अधिकाऱ्यांवर दबाव आणून घाईघाईने उमेदवारांची निवड केली गेली. मल्टी-टास्क सेवेसाठी निवड झालेल्या उमेदवारांना आचारसंहिता लागू झाल्यानंतरही मागील तारखेने नियुक्तीपत्रे देण्यात आली. त्यामुळे या नोकरभरतीत गैरप्रकार (Fraud) झाला असून गोवा खंडपीठाने या संपूर्ण प्रक्रियेच्‍या चौकशीचे आदेश द्यावेत, अशी विनंती याचिकादार वेलिंगकर यांनी केली आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
