Goa Monsoon 2024: सलग चौथ्या दिवशीही गोव्यात 'मुसळधार'; अनेक भागात साचले पाणी, जनजीवन विस्कळीत

Goa Weather Update: गोव्यात दोन दिवस ऑरेंज अलर्ट जारी केला असून, १२ ते १४ जुलै पर्यंत यलो अलर्ट जारी केला आहे.
सलग चौथ्या दिवशीही गोव्यात 'मुसळधार'; अनेक भागात साचले पाणी, जनजीवन विस्कळीत
Goa Monsoon 2024Dainik Gomantak

मंगळवारी रात्री आणि आज सकाळपासून पडत असलेल्या पावसामुळे गिरी ग्राम पंचायतीसमोरील मुख्य रस्त्याला पूर्णतः तळ्याचे स्वरूप प्राप्त झाले आहे. अतिवृष्टीमुळे या भागात पाणी साचले असून जनजीवन विस्कळीत झाले आहे. या रस्त्यावर साचलेल्या पाण्यातूनच वाहनधारकांना जीव मुठीत घेऊन वाहने चालवावी लागत आहेत.

या पाण्यातून मार्गक्रमण करताना दुचाकींना बरीच कसरत, तसेच काहींची वाहने बंद पडताहेत. परिणामी लोकांना गाडी ढकलत न्यावी लागत आहेत. तर काहीजण वाहनांचे नुकसान नको म्हणून दूर पल्ल्याच्या रस्त्यावर जाणे उचित समजत आहेत.

सलग चौथ्या दिवशीही गोव्यात 'मुसळधार'; अनेक भागात साचले पाणी, जनजीवन विस्कळीत
Flights To Goa: कोकण रेल्वे ठप्प, महामार्गावर ब्लॉक! मुंबई, पुण्यातून विमानाने गोव्याला जायचा खर्च किती येईल?

दुसरीकडे, या भागांतील शेतजमिनीत मोठ्या प्रमाणात मातीचे भराव टाकून अतिक्रमण केल्याने तसेच काँक्रीटकरण झाल्याने शेतातील पाण्याचा निचरा योग्यरित्या होण्यास अडथळा निर्माण होतोय, हे सत्य आता लपून राहिलेले नाही. आजही या भागांतील शेतात तसेच रस्त्यांवर पाणीच पाणी दिसत होते.

सलग चौथ्या दिवशीही गोव्यात 'मुसळधार'; अनेक भागात साचले पाणी, जनजीवन विस्कळीत
Goa Politics: 'कामतांचे वय झालंय, त्यांनी डोकं तपासून घ्यावं'; माजी मुख्यमंत्री - सरदेसाई यांच्यातील वाद शिगेला

राज्यात दोन दिवस ऑरेंज, तीन दिवस यलो अलर्ट

गोव्यात दोन दिवस ऑरेंज अलर्ट जारी केला असून, १२ ते १४ जुलै पर्यंत यलो अलर्ट जारी केला आहे. हवामान खात्याने नागरिकांना सतर्कतेचा इशारा दिला आहे. गेल्या तीन दिवसांपासून राज्यात सततच्या पावसामुळे अनेक ठिकाणी पडझडीच्या घटना समोर आल्या आहेत.

पेडणे बोगद्यात चिखलमिश्रित पाणी आल्याने कोकण रेल्वेची वाहतूक मंगळवारी रात्रीपासून ठप्प आहे. ती वाहतूक आज (बुधवार) रात्री आठ वाजता सुरु होण्याची शक्यता आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News on Dainik Gomantak
dainikgomantak.esakal.com