Goa Rain Alert : गोव्यात 15 जुलैपर्यंत तुफान पाऊस

गोव्यात काही दिवसांपासून पावसाने धुमाकूळ घातला आहे. मुसळधार पावसामुळे पूरपरिस्थिती निर्माण झाली असून अनेक ठिकाणी झाडांची आणि घरांची पडझड झाली आहे. हवामान खात्याने रेड अलर्टचा अंदाज वर्तवतल्यावर गोवा आपत्ती व्यवस्थापन कक्ष सज्ज झाले होते.

हवामान विभागाने सांगितल्याप्रमाणे, 15 जुलैपर्यंत मुसळधार पाऊस असण्याची शक्यता वर्तवली आहे.

दक्षिण ओडिशाच्या किनारपट्टीलगतच्या कमी दाबाच्या क्षेत्राच्या संभाव्य तीव्रतेमुळे, 12 जुलैपासून गोव्यात पावसाचा जोर वाढण्याची शक्यता आहे. यामुळे खूप मुसळधार पावसाची शक्यता आहे. 11 ते 15 जुलैपर्यंत मच्छिमारांना सावधानतेचा इशारा देण्यात आला आहे.

दरम्यान, गेल्या 72 तासांत मुसळधार पावसामुळे राज्यात पडझड, रस्‍ता वाहून जाणे, वीजवाहिन्‍या तुटणे आदी कारणामुळे सुमारे 16 लाखांचे नुकसान झाले असल्‍याचा प्राथमिक अंदाज अग्निशामक दल आणि आपत्कालीन सेवा संचालनालयाने व्‍यक्त केला आहे.