काल रात्रीपासून मुसळधार पावसाने वास्को शहराला झोडपून काढले. नंतर आज पहाटेपासून थोडी उसंत घेतली.नंतर दुपारी बाराच्या नंतर पावसाने पुन्हा हजेरी लावली. यात जनजीवन विस्कळीत झाले तसेच दुपारी कार्यालयीन कर्मचाऱ्यांची पावसामुळे बरीच तारांबळ उडाली.दुपारी लंच ब्रेकला जे घरी जात होते ते पावसामुळे अडकून पडले. तसेच बाजारात आलेल्या लोकांचीही तारांबळ उडाली. पाऊस थांबण्याचे नाव घेत नसल्याने काहींनी भिजत घर गाठले.
दरम्यान येथील मुरगाव नगरपालिकेत पावसामुळे कार्यालयात पाण्याची गळती लागली व सगळीकडे पाणीच पाणी झाले. यात दस्तावेज भिजून गेले. आपल्या वैयक्तिक कामासाठी आलेल्या लोकांची कामे यामुळे अडून पडली.कर्मचाऱ्यांची यावेळी धांदल उडाली. कार्यालयात झालेले पाणी काढताना कर्मचारी दिसत होते. दरम्यान सध्या पालिका नुतनीकरण करण्याचे काम चालू असून पालिकेने आपले बस्तान हलवले नसल्याने इमारतीच्या नुतनीकरण करण्याच्या कामाला अडथळा निर्माण झाला आहे. पालिका कार्यालय कधी खाली होणार आणि काम चालू करणार याची वाट संबंधित कंत्राटदार बघत आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
