Goa Monsoon Update: संततधार कायम; पडझडही सुरूच

Goa Monsoon Update गेल्या दोन दिवसांपासून राज्यात पावसाची धुवाधार बॅटिंग सुरू आहे. उद्या सोमवारीही मुसळधार पावसाची शक्यता आहे.

राज्यात अद्यापही ५७.३ टक्के तूट आहे. पावसामुळे राज्यभर पडझड सुरूच आहे. म्हापसा येथे संरक्षक भिंत कोसळून तीन गाड्यांचे नुकसान झाले, तर भटवाडी - कोरगाव येथे गोठ्यावर वडाचे झाड पडून दोन लाखांची हानी झाली.

अग्निशमन दलाला २८ कॉल्स : अग्निशमन दलाकडे गेल्या २४ तासांत विविध ठिकाणी घडलेल्या मोठ्या घटनांचे २८ कॉल्स आले. त्यातील १६ कॉल्स हे रस्त्यावर झाडे पडल्याचे, २ कॉल्स घरे कोसळण्याचे, तर ३ विजेच्या तारा तुटून पडण्याचे होते. कीस मोकळे केले.

मच्छीमारांना इशारा

सोमवारी मुसळधार पाऊस पडेल. गुरुवारपर्यंत पावसाची हीच स्थिती राहील. या काळात दक्षिण महाराष्ट्र आणि  गोवा किनारपट्टीवर ४० ते ४५ कि.मी. प्रतितास वेगाने वारे वाहतील. त्यामुळे मच्छीमारांना समुद्रात न जाण्याचा सल्ला देण्यात आला आहे.

काणकोणमध्ये सर्वाधिक पाऊस

गेल्या २४ तासांत काणकोण येथे ११८ मि. मी., सांगे ८८.८ मि.मी., म्हापसा येथे ७२ मि.मी., तर राजधानी पणजीत ५१ मि.मी. पावसाची नोंद झाली आहे. सोमवारी ‘ऑरेंज’, तर मंगळवारपासून ‘यलो अलर्ट’ जारी करण्यात आला आहे.