पर्ये: चोर्ला घाटातील रस्त्याचे डांबरीकरण सुरू केल्याने 4 ते 11 मेपर्यंत घाट रस्ता अवजड वाहतुकीसाठी बंद करण्याचे आदेश सरकारने दिले होते. पण, या आदेशाची खिल्ली उडवत मार्गावरून रात्रीच्या वेळी अवजड वाहतूक सुरूच असल्याचे आढळून आले आहे. या मार्गावरून दिवसा प्रवासी बसेस व इतर दुचाकी आणि चारचाकी वाहतूक सुरू आहे.
रात्रीचा मालवाहू तसेच खडी वाहतूक करणारे ट्रक रात्रीची मोठ्या प्रमाणात वाहतूक करतात. दरम्यान ही रात्रीच्या घाटातून येणारे अवजड वाहने केरीतील पोलिस चौकीवर अडवले जातात. पण, या अवजड वाहनचालकांना दंड आकारून सोडले जाते.
दरम्यान, चोर्ला घाट रस्ता अवजड वाहतुकीसाठी बंद केल्याचा आदेश दिला त्याचदिवशी रात्रीच्या वेळी दोन अवजड वाहनांचा अपघात झाला होता. त्या अपघातात दोन्ही ट्रकचे मोठे नुकसान झाले होते. सदर अपघात झाल्यानंतर सरकारच्या आदेशाची खिल्ली उडवली जाते हे त्याचदिवशी स्पष्ट झाले होते. पण त्यानंतरही या आदेशाचे पालन केले जात नाही.
डांबरीकरणाला जोरदार सुरवात
दरम्यान या घाट मार्गाचे डांबरीकरण 4 रोजी जोरदारपणे सुरवात झाले होते. या चार दिवसांत घाटाचा बराच रस्ता डांबरीकरण झाला आहे. आज संध्याकाळपर्यंत अंजुणे धरणापर्यंत रस्त्याचे काम झाले आहे. साखळीपर्यंत या रस्त्याचे डांबरीकरण केले जाणार आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
