वाळपई परिसरात वादळी वाऱ्यासह जोरदार पावसाने हजेरी लावली आहे. वाळपईच्या विविध भागात यामुळे झाडांची पडझड झाली असून, काही ठिकाणी विद्युत लाईन देखील तुटली आहे. विद्युत लाईन तुटल्याने अनेक भागातील विद्युत पुरवठा खंडित झाला आहे.
हवामान खात्याने येत्या दोन दिवसांत मुसळधार पावसाचा इशारा दिला होता. आज सायंकाळी पावसाने वाळपई परिसरात जोरदार हजेरी लावली. यामुळे झाडांची पडझड झाली तसेच, वीजच्या देखील तारा तुटल्या आहेत. रस्त्यात पडलेल्या झाडांमुळे काही ठिकाणी वाहतूक विस्कळित झाली. वीज ताऱ्या तुटल्याने वाळपई आणि वास्कोतील काही ठिकाणी वीज पुरवठा खंडित झाला.
दरम्यान, गोवा वीज खात्याचे कर्मचारी वीज पुरवठा सुरळित करण्यासाठी युद्धपातळीवर काम करत आहेत. तसेच, झाडांची पडझड झाल्याने ती झाडे देखील हटविण्याचे काम सुरू आहे. लवकरच वीज पुरवठा सुरळित केला जाईल असे वीज खात्याने म्हटले आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.