Goa Heat Alert: दुपारी घराबाहेर पडू नका; गोव्यात पुढील दोन दिवस उन्हाचा तडाखा वाढणार

Goa Temperature Rise: राज्यात अवकाळी पावसाने लावलेल्या हजेरीनंतर आता पुन्हा उष्म्याचा तडाखा वाढू लागला आहे. पुढील दोन दिवस राज्यात तापमानाचा पारा चढाच राहणार असून आर्द्रतेमुळे अधिक प्रमाणात उष्मा जाणवण्याची शक्यता गोवा वेधशाळेद्वारे वर्तविण्यात आली आहे.
Goa Temperature Rise
Goa Heat AlertDainik Gomantak
Published on
Updated on

पणजी: राज्यात अवकाळी पावसाने लावलेल्या हजेरीनंतर आता पुन्हा उष्म्याचा तडाखा वाढू लागला आहे. पुढील दोन दिवस राज्यात तापमानाचा पारा चढाच राहणार असून आर्द्रतेमुळे अधिक प्रमाणात उष्मा जाणवण्याची शक्यता गोवा वेधशाळेद्वारे वर्तविण्यात आली आहे.

सोमवारी (14 एप्रिल) पणजी (Panaji) येथे कमाल ३४.२ तर किमान २१.४ अंश सेल्सिअस तापमानाची नोंद करण्यात आली. कमाल तापमानात सरासरी तापमानाच्या तुलनेत ०.९ अंश सेल्सिअसने वाढ झाली होती. कमाल आर्द्रता ही ८२ टक्के इतकी नोंदविली.

पुढील ४८ तासांत राज्यातील कमाल तापमान ३५ तर किमान तापमान २६ अंश सेल्सिअस राहण्याची शक्यता वर्तविण्यात आली आहे. दरम्यान, राज्यातील अनेक नागरिक उष्म्यापासून बचावासाठी दुपारी नदी, ओहळ, तळे, बंधाऱ्यांवर जात डुबकी मारत आहेत. शहाळे, लिंबू पाणी तसेच इतर शीतपेयांना देखील मागणी वाढली आहे.

Goa Temperature Rise
Yellow Alert In Goa: उन्हाच्या तडाख्याने हैराण झालेला गोमंतकीय सुखावणार! गोव्यात 29 मार्चसाठी 'यलो अलर्ट'; वादळी वाऱ्यासह पावसाची शक्यता

त्रास जाणवल्यास तपासणी करा...

सततच्या हवामान बदलांमुळे राज्यात दमट वातावरण होत आहे. त्यामुळे मोठ्या प्रमाणात उष्मा जाणवत असून घामाच्या धारा वाहत आहेत. त्यामुळे नागरिकांनी आपल्या आरोग्याची (Health) योग्य ती काळजी घ्यावी.

तसेच मुले व ज्येष्ठ नागरिकांनी शक्यतो दुपारी घराबाहेर पडू नये. तेलकट, मसालेदार पदार्थ, चहा, कॉपी, मद्यपान अतिप्रमाणात करू नये. उष्म्याचा त्रास जाणवल्यास इस्पितळात तपासणी करावी, असे आवाहन करण्यात आले आहे.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News on Dainik Gomantak
dainikgomantak.esakal.com