MLA Disqualification Petition : अपात्रता याचिकेवर आज सुनावणी; आमदारांची मते जाणून घेणार

MLA Disqualification Petition: काँग्रेसमधून घाऊक पक्षांतर करून भाजपमध्ये गेलेल्या आठ आमदारांच्या विरोधात दाखल केलेल्या अपात्रता याचिकेवरील सुनावणी सोमवारी होणार आहे.

ही संपूर्ण प्रक्रिया कायद्यानुसार होत असल्याने विरोधक काय म्हणतात यावर मला कोणतीच प्रतिक्रिया द्यायची नाही, असे मत सभापती रमेश तवडकर यांनी आज व्यक्त केले.

काँग्रेसमधील या घाऊक पक्षांतराच्या विरोधात प्रदेशाध्यक्ष अमित पाटकर, माजी प्रदेशाध्यक्ष गिरीश चोडणकर यांनी न्यायालयात याचिका दाखल केल्या असून या सर्व आठ आमदारांना पक्षांतर बंदी कायद्यानुसार अपात्र ठरवावे, अशी मागणी केली आहे.

यासंबंधी या आमदारांची मते जाणून घेण्यासाठी सोमवारी सुनावणी होत असल्याची माहिती सभापती तवडकर यांनी दिली. आजच्या सुनावणीवेळी काय होणार, याकडे सर्वांचे लक्ष लागून राहिले आहे.