Panjim Police Station: पोलिस स्थानक हल्लाप्रकरणी 5 जानेवारीला सुनावणी

Panjim Police Station: महसूलमंत्री बाबूश मोन्सेरात यांचा कथित सहभाग असलेल्या पणजी पोलिस स्थानक हल्ला प्रकरणाची सुनावणी राजकारण्यांविरोधातील खटले हाताळणारे खास न्यायाधीश इर्शाद आगा यांनी 5 जानेवारी 2024 पर्यंत तहकूब केली.

बुधवारी (ता.१३) या प्रकरणातील तपास अधिकारी असलेले पणजीचे तत्कालीन निरीक्षक आणि सध्याचे उपअधीक्षक सुदेश नाईक यांची उलट तपासणी सुुरूच राहिली. रायन गुदिन्हो या आरोपीला अटक करण्यास पणजी पोलिस गेले होते

पण तो घरी सापडला नाही. त्यानंतर बाबूश आणि त्यांच्या समर्थकांनी पणजी पोलिस स्थानकावर हल्ला केला, असे त्यांनी एका प्रश्नाला उत्तर देताना सांगितले.

दरम्यान, मोन्सेरात यांचा सहभाग असलेल्या अल्पवयीन मुलीवरील बलात्कार प्रकरणाची सुनावणीही बुधवारी पार पडली. यावेळी वासू सावंत या साक्षीदाराची सरतपासणी सरकारी वकिलांनी नोंदवून घेतली. या प्रकरणाची पुढील सुनावणी ३ जानेवारी रोजी होणार आहे.