एका राष्ट्रीयीकृत बँकेत महिलेचा विनयभंग केल्याप्रकरणी पणजी पोलिसांत दाखल झालेल्या गुन्ह्यातील संशयित बँक अधिकाऱ्याने अटकपूर्व जामिनासाठी अर्ज केला आहे. त्याच्या या जामीन अर्जावरील सुनावणी आता 9 मे रोजी ठेवण्यात आली आहे.
पणजी पोलिसांनी त्याला काल चौकशीवेळी चांगलेच धारेवर धरल्याने त्याने जामिनासाठी अर्ज केला आहे. तक्रारदार महिलेने केलेला आरोप खोटा असल्याचा दावा संशयिताने केला आहे. संशयित हा राष्ट्रीयीकृत बँकेत क्षेत्रीय सरव्यवस्थापक असून कामानिमित्ताने तो तक्रारदार महिलेशी जाणूनबुजून स्पर्श करत होता.
महिलेने त्याला त्याची जाणीव देऊनही त्याचे हे प्रकरण अधिक वाढल्याने अखेर तिने पोलिसात तक्रार दाखल केली होती. पोलिस अटक करतील या भीतीने अटकपूर्व जामीन अर्ज करून त्याने पोलिसांसमोर चौकशीस आला होता.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
